Япониянинг Иокагама шаҳридаги заргарлик буюмлари кўргазмасидан 50 қирот (карат)ли бриллиант ўғирланди. Бу ҳақда «Korrespondent.net» хабар бермоқда.
Ўғирланган қимматбаҳо тошнинг қиймати 1,8 миллион долларни ташкил этиши айтилмоқда.
Кўргазма ёпилишидан олдин ходимлардан бири тош ғойиб бўлганини пайқаб қолган. Бриллиант жойлаштирилган витрина очиқ эди.
Полиция тахминига кўра, бриллиант қисқа вақт мобайнида ўғирланган, кўргазма ходимлари орасида жиноятчиларнинг шериги бўлиши мумкин. Ҳозирда уларни қидириш ишлари олиб борилмоқда.
Изоҳ (0)