Туркия президенти Ражаб Тоййиб Эрдўғон Франциянинг Le Point журналини ўз шаънига нисбатан ҳақоратли сўзлар ва туҳмат мазмунидаги мақола чоп этгани учун судга берди. Судга давлат раҳбарининг номидан унинг адвокати мурожаат қилган, дея хабар берди «ТАСС».
Судда 24 октябрь, пайшанба куни чоп этилган мақола учун журнал бош муҳаррири Этьенн Жернель ва материал муаллифи Роман Гупер жавобгар бўлади. 11 саҳифадан иборат турк томонининг суд шикояти Анқара бош прокуратурасига француз журналистларининг Жиноят кодексининг «Президентни ҳақоратлаш» моддасига биноан кўриб чиқиш учун тақдим қилинган.
Суд жараёнининг предмети Туркиянинг курдларга нисбатан қилаётган сиёсати ҳақида мақолада ёзилган гаплар бўлади. Журналнинг бош саҳифасига Эрдўғоннинг сурати жойлаштирилган ва «Этник тозалаш, бузғунчи Эрдўғоннинг методи» ва «Унинг курдларни ўлдиришига (Европага таҳдид қилишига) йўл қўйиб бўладими?» сўзлари ёзилган. Мақолада Туркия давлат раҳбари ҳақоратли деб ҳисоблайдиган ва мамлакат шаънига ҳам дахлдор гаплар ёзилган.
Эрдўғоннинг расмий вакили Иброҳим Калин Le Point журналини мижозига туҳмат қилганликда айблади.
«Франция кўплаб Африка мамлакатларини колониясига айлантирган, Жазоир ва Марокашни бунга мисол қилиш мумкин. Франция минглаб одамларни ҳалок қилган, қулларни сотган ва Руандадаги миллат қирғинини кузатган. Журнал эса Туркияни этник тозалашлар ўтказганликда айблаб туҳмат қилган!» — дея ёзган адвокат Twitter’да.
Изоҳ (0)