БМТнинг инсон ҳуқуқлари йўналишидаги эксперти Жавид Раҳмон Эронда йил бошидан бери 173 нафар одам, жумладан, икки 17 ёшдаги ўсмир қатл қилинганлигини билдирди. Бу ҳақда Тиме хабар берган.
Эксперт мамлакатда жиноятчиларга нисбатан энг оғир жазо бўлмиш ўлим жазосининг тайинланиши ва уларнинг қатл этилиши ҳолатлари кузатилаётганидан хавотирда эканлигини маълум қилди.
Унинг сўзларига кўра, Эронда гарчи сўнгги йилларда қатллар сони анча камайган бўлса ҳам ўлим жазосининг ижро этилиш кўрсаткичи энг юқори бўлган дунё мамлакатлари қаторида туради.
Раҳмон 2018 йилда Эронда 253 нафар одам қатл этилгани ва уларнинг 7 нафари вояга етмаганлар бўлганлигига урғу берди.
Шунингдек, БМТ маълумоти бўйича 2019 йил ҳолатига Эрон қамоқхоналарида камида 90 нафар вояга етмаган сақланмоқда ва улар орасида ўлим жазосига ҳукм қилинган маҳкумлар ҳам бор.Жавид Раҳмон БМТ болаларга нисбатан зўравонлик, хусусан, ўлим жазосини тайинлашга қарши эканлиги ва Эронда ушбу амалиётнинг бекор қилиниши тарафдори бўлишини қайд этди.
Изоҳ (0)