Қозоғистон президенти Қосим-Жўмарт Тўқаев Москва давлат халқаро муносабатлар университети ҳақида тайёрланган теледастурда олий ўқув юртининг унинг кейинги ҳаёт йўлини белгилаб олишида муҳим ўрин эгаллаганини қайд этди, деб ёзмоқда “Zakon.kz”.
Россия телеканалларидан бирида эфирга берилган кўрсатувда Москва давлат халқаро муносабатлар университетининг тарихи ҳақида ҳикоя қилинган. Ушбу олий ўқув муассасининг энг машур битирувчилари орасида Тўқаевдан ташқари Россия ташқи ишлар вазири Сергей Лавров, Россиядаги ўзбек миллиардери Алишер Усмонов ҳам бор.
Қозоғистон президенти интервьюсида университет унинг ўз ҳаёт йўлини танлаб олишига сабабчи бўлганлигини таъкидлади.
Агар мен ушбу университетни тамомламаганимда сиёсий фаолият билан шуғулланмаган бўлардим. БМТ бош котибининг ўринбосари бўлишни эса фақат орзу қилиш мумкин эди. Шу сабабли Москва давлат халқаро муносабатлар университети ҳақида гапирганда ҳеч шубҳасиз ушбу даргоҳни дунё брендига айланган деб муболағасиз айта оламан.Тўқаев 10-синфда ўқиб юрган вақтидаёқ Москвадаги ушбу университетга киришга жиддий аҳд қилган. У ўша вақтда институт мақомида бўлган муассасага имтиҳонларни топшириш шартлари ҳақида билиш учун ректор номига хат ҳам юборган.Қосим-Жўмарт Тўқаев, Қозоғистон президенти
Мактубимга жавоб олганимда ҳайратда қолганман. Институт раҳбарияти бу каби хатларга жавоб ёзиши мумкинлигини хаёлимга ҳам келтирмагандим. Хуллас, ҳужжатларимни қабул қилишган. 4 июлда биринчи имтиҳонни топширдим, 11 июлда охирги имтиҳонда иштирок этдим. Эртаси куни эса мени Подмосковьедаги картошка даласига жўнатишган.Тўқаев Москва давлат халқаро муносабатлар институтига 1970 йилда қабул қилинган, у 5-курсда ўқиётган вақтида Собиқ иттифоқнинг Хитой халқ республикасидаги элчихонасига олти ойлик амалиётга жўнатилган.Қосим-Жўмарт Тўқаев, Қозоғистон президенти
Изоҳ (0)