АҚШ савдо вазири Уилбур Росс Америка—Ўзбекистон савдо палатасининг Вашингтонда бўлиб ўтган бизнес-форумида сўзлаган нутқида Ўзбекистоннинг Евросиё иқтисодий иттифоқи (ЕОИИ)га қўшилиши салбий оқибатларни келтириб чиқариши мумкинлиги ҳақида гапирди.
Ўзбекистон ўз Президенти раҳнамолигида Марказий Осиёдаги қўшнилари билан муносабатларни такомиллаштириб, минтақавий интеграция ва ўзаро боғлиқликка кўмаклашади. Бундай фаолият Ўзбекистонни янада жозибадор бозорга айлантиради, чунки компаниялар Ўзбекистонда ишлаш орқали Марказий Осиёнинг бутун минтақасига хизмат кўрсатиши мумкин.Ушбу саъй-ҳаракатлар аллақачон ижобий натижалар бермоқда. АҚШнинг Ўзбекистон билан савдо айланмаси сезиларли даражада ошди: 2017 йилда 136 миллион долларга тенг бўлган кўрсаткич 2019 йилнинг августига келиб 455 миллион долларни ташкил қилди.
Бироқ бу ислоҳотларнинг барқарорлигини таъминлаш учун ҳали кўп ишлар қилиниши керак. Ўзбекистоннинг шаффофлик ва қонун устуворлигини амалда таъминлаши ўта муҳим.
Божхона фаолиятида, интеллектуал мулкни ҳимоялашда, экспортчилар, импортчилар ва инвесторларга таъсир қиладиган солиқлар ва қоидаларда дунё амалиёти принципларини қўллаш зарур.
Ўзбекистоннинг Жаҳон савдо ташкилотига қўшилиш бозор ислоҳотларининг энг муҳим мақсадларидан биридир. Биз ушбу саъй-ҳаракатларни қатъий қўллаб-қувватлаймиз ва ЖСТнинг ташқи савдо режими тўғрисидаги меморандумидан келиб чиқадиган саволларга ҳукуматнинг жавобини сабрсизлик билан кутмоқдамиз.
Шу билан бирга, биз ўзбек ҳамкорларимизни янги келишувларнинг ЖСТга аъзо бўлишига таъсирини диққат билан кўриб чиқишга чақирамиз. Масалан, ЕОИИга аъзо бўлиш истаги айни пайтда ЖСТга аъзо бўлиш жараёнини мураккаблаштириши ва Ўзбекистон раҳбарияти томонидан белгиланган муддатни янада узайтириш мумкин.
Уилбур Росс, АҚШ савдо вазири
Мавзуга доир: Ўзбекистон ва ЕОИИ: иқтисодий муносабатлар рақамларда
Изоҳ (0)