Бангладешда суд 19 ёшли талаба қизни жорий йилнинг апрель ойида ёқиб ўлдирган 16 нафар жиноятчига ҳукм ўқиди ва уларга ўлим жазоси тайинлади. Бу ҳақда Bdnews24 хабар берди.
Хабарга кўра, жиноятчилар Нусрат Жаҳон Рафи исмли қизнинг устига керосин сепиб уни ёқиб юборган. Жиноятга қизнинг мактаб-мадрасалардан бирининг директорига нисбатан ўзига нисбатан жинсий зўравонлик қилгани ҳақида берган даъвосини қайтариб олмагани сабаб бўлган. Ушбу фожиа сабаб мамлакатда катта сиёсий можаро келиб чиққан ва норозилик намойишлари бошланиб кетган. Қиз воқеа содир бўлганидан кейин бир неча кун ўтгач шифохонада вафот этган. Тергов давомида жиноятга алоқадор 16 нафар фуқаро ҳибсга олинди, якунда уларнинг ҳаммаси ўзаро гуруҳ бўлиб қотилликни содир этгани ойдинлашди.
«Ушбу ҳукм Бангладешда ҳеч бир қотил адолатли жазодан қутула олмаслигини яна бир карра исботлади. Ҳамма мамлакатда қонун устуворлиги таъминланганлигини кўриб қўйсин», — дея журналистларга интервью берган суд ишида иштирок этган прокурор Ҳафиз Аҳмад.
Мавзуга доир:
Изоҳ (0)