BMTning inson huquqlari yo‘nalishidagi eksperti Javid Rahmon Eronda yil boshidan beri 173 nafar odam, jumladan, ikki 17 yoshdagi o‘smir qatl qilinganligini bildirdi. Bu haqda Time xabar bergan.
Ekspert mamlakatda jinoyatchilarga nisbatan eng og‘ir jazo bo‘lmish o‘lim jazosining tayinlanishi va ularning qatl etilishi holatlari kuzatilayotganidan xavotirda ekanligini ma’lum qildi.
Uning so‘zlariga ko‘ra, Eronda garchi so‘nggi yillarda qatllar soni ancha kamaygan bo‘lsa ham o‘lim jazosining ijro etilish ko‘rsatkichi eng yuqori bo‘lgan dunyo mamlakatlari qatorida turadi.
Rahmon 2018-yilda Eronda 253 nafar odam qatl etilgani va ularning 7 nafari voyaga yetmaganlar bo‘lganligiga urg‘u berdi.
Shuningdek, BMT ma’lumoti bo‘yicha 2019-yil holatiga Eron qamoqxonalarida kamida 90 nafar voyaga yetmagan saqlanmoqda va ular orasida o‘lim jazosiga hukm qilingan mahkumlar ham bor.Javid Rahmon BMT bolalarga nisbatan zo‘ravonlik, xususan, o‘lim jazosini tayinlashga qarshi ekanligi va Eronda ushbu amaliyotning bekor qilinishi tarafdori bo‘lishini qayd etdi.
Izoh (0)