Украинанинг «Укрпроминвест-Агро» компанияси Ўзбекистонга Америка селексиясининг голштейн-фриз зотли 97 бош сигиридан иборат биринчи партияни олиб келди, деб хабар бермоқда компания матбуот хизмати.
«У бугунги кунда дунёдаги энг сермаҳсул сут берувчи сигир зотидир. Сигирларни кўпайтириш учун генетик материал ишлаб чиқаришда дунё етакчилари — World Wide Series ва Alta Genetics билан ҳамкорлик қиламиз ва Interbull рейтингига кўра дунёдаги энг яхши 100 таликка кирган буқаларнинг замонавий генетик материалидан фойдаланамиз», — деган чорвачилик бўйича директор Максим Армашов.
Унинг сўзларига кўра, ҳозирда сигирларни Ўзбекистонга доимий экспорт қилиш бўйича музокаралар давом этмоқда.
Ўзбекистоннинг Украинадан сигирларни экспорт қилиши Қозоғистоннинг чорва молларни олиб чиқишни тақиқлагани шароитида амалга ошмоқда.
Июнь ойида Қозоғистон мамлакатдан йирик қорамол олиб кетилишини тақиқлашга қарор қилганди. Бунга уларнинг Ўзбекистонга катта миқдорда етказилгани сабаб бўлган. Август ойига келиб Қозоғистон Ўзбекистонга йирик шохли чорва сотишни тақиқлаш режасидан қисман воз кечди.
Октябрь ойига келиб эса Қозоғистон қишлоқ хўжалиги вазири ва молия вазирининг қўшма қарорига кўра, мамлакат ҳудудидан сигирларни олиб чиқиш тақиқланди. Тақиқ олти ойга жорий этилади ҳамда йирик шохли қорамол, хусусан, бир ёшгача бўлган урғочи бузоқлар, бир ёшдан ошган сигирлар, қўй, эчки ва эчки болаларига тегишли.
Изоҳ (0)