Бош прокуратура ҳузуридаги Департаментнинг Бектемир тумани бўлими полимер труба ва бошқа маҳсулотларни яроқсиз ҳолатга келганлиги сабабли сохта шартнома, солиштирма далолатнома ва бошқа ҳужжатларни тузган шахсларни аниқлади. Бу ҳақда Бош прокуратура «Дарё»га маълум қилди.
Маълумотларга кўра, «Э-П» МЧЖнинг мансабдор шахслари Миробод «Махсустранс» корхонаси мансабдор шахслари ва бошқалар билан ўзаро тил бириктириб, жамиятга кирим бўлган полимер труба ва бошқа маҳсулотларни гўёки яроқсиз ҳолатга келганлиги сабабли Миробод «Махсустранс» корхонасига топширилганлиги ҳақида сохта шартнома, солиштирма далолатнома ва бошқа ҳужжатларни тузган. Аслида ушбу корхонага топширилмаган жами 7,013 миллиард сўмлик маҳсулотларни нақд пулга сотиб, савдо тушумини банкка кирим қилмасдан, бюджетга тўланиши лозим бўлган 350,6 миллион сўм ягона солиқ тўловларини тўлашдан бўйин товлаганлиги аниқланган.
Мавзуга доир: «Махсустранс»нинг кўрсатилган хизматлар учун истеъмолчилардан қарийб 250 млн сўмни ноқонуний ўзлаштиргани аниқланди (видео)
Мазкур ҳолат юзасидан «Э-П» МЧЖ мансабдор шахсларига, Миробод «Махсустранс» корхонаси мансабдор шахслари ва бошқаларга нисбатан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.
Изоҳ (0)