Шанхай ҳамкорлик ташкилотига (ШҲТ) аъзо давлатлар ҳукуматлари раҳбарларининг учрашуви 1—2 ноябрь кунлари Тошкентда бўлиб ўтади. Бу ҳақда ШҲТ бош котиби Владимир Норов маълум қилди, деб хабар берди «Jahon» ахборот агентлиги.
«ШҲТга аъзо давлатлар ҳукумат раҳбарлари кенгашининг мажлиси 1—2 ноябрь кунлари Тошкентда бўлиб ўтади. Ўзбекистон пойтахтида ШҲТнинг барча мамлакатлари бош вазирлари учрашиши кутилмоқда», — деди у.
«Шунингдек, тадбирга ташкилот ҳузуридаги кузатувчи мамлакатлар — Афғонистон, Беларусь, Мўғулистон ва Эрон ҳукуматлари раҳбарлари, шунингдек, қатор ҳамкор халқаро ташкилотлар, ШҲТ банклараро бирлашмаси ва ШҲТ ишбилармонлар кенгаши раҳбарлари таклиф этилди.
«ШҲТга аъзо давлатлар ҳукумат раҳбарлари кенгашининг мажлиси ШҲТга аъзо давлатларнинг минтақада ўзаро манфаатли ҳамкорлик қилишга, иқтисодий ўсишни жадаллаштиришга, транспорт ва энергетика, саноат соҳаларидаги алоқаларни кенгайтиришга, инвестициялар ҳажмини оширишга, тегишли шартномавий - ҳуқуқий базани кенгайтириш орқали инновацияларни жорий этишга ва аҳоли бандлигини таъминлашга кўмаклашадиган кўп томонлама ташаббусларини амалга оширишга муҳим туртки беради», — дейди Владимир Норов.
Изоҳ (0)