Бош прокуратура ҳузуридаги Департаментнинг Марҳамат туман бўлими техник ва дориланмаган уруғлик чигит маҳсулотларини талон-торож қилганлигини аниқлади. Бу ҳақда Бош прокуратура «Дарё»га маълум қилди.
Ўтказилган терговга қадар текширувда, тумандаги «Ўқчи пахта тозалаш заводи» АЖ қошидаги пахта қабул қилиш масканининг А.А. исмли товаршуноси 2018 йил ҳосилидан қабул қилинган жами 245 тонна 342,2 миллио сўмлик техник ва дориланмаган уруғлик чигит маҳсулотларини талон-торож қилгани маълум бўлган.
Мазкур ҳолат юзасидан А.А.га нисбатан Жиноят кодексининг 167-моддаси («Ўзлаштириш ёки растрата йўли билан талон-тарож қилиш») билан жиноят иши қўзғатилиб, тергов ҳаракатлари ўтказилмоқда.
Изоҳ (0)