БМТ Туркия курдларни қатл этган бўлиши мумкинлигини гумон қилмоқда

БМТ Сурия шимоли-шарқида турк ҳарбийларининг Курдистон фуқароларига нисбатан зўравонлик қилгани ва уларни қатл этгани ҳақида хабарлар етиб келгани, ушбу ҳарбий жиноятлар учун масъулият Анқара зиммасида эканлигини маълум қилди, дея ёзган Reuters.

«Сурия демократик кучлари» жангарилари Туркиянинг Сурия шимоли-шарқига қилган юриши вақтида камида тўққиз нафар курд фуқароси қатл қилинганлигини билдирган. БМТнинг инсон ҳуқуқлари бўйича бошқармаси Туркияга алоқадаор «Аҳрор аш-Шом» жиҳодчилар гуруҳи томонидан амалга оширилган бу каби қотилликларнинг видеоларини ўрганиб чиқмоқда.

БМТ видеодаги фактлар ва ҳодисаларнинг тафсилотларини таҳлил қилмоқда. Шунингдек ташкилот расмийлари бу каби ‘самосуд’лар ҳарбий жиноятга тенглаштирилади. БМТ вакиллари Туркия давлат сифатида ушбу жиноятларга жавобгар бўлишини қайд этди.

Сурия шимоли-шарқидаги «Тинчлик булоғи» операцияси 9 октябрдан бери давом этиб келмоқда. Анқара ушбу ҳарбий ҳаракатлар Курдистон ишчи партияси ҳамда ИШИД террорчиларига қарши қаратилганини билдирган. Операция Сурия мустақил армияси гуруҳлари билан ҳамкорликда ўтказилмоқда. АҚШ ушбу ҳаракатларда курдларни қўллаб-қувватламаган ва ўз ҳарбийларини операция ўтаётган ҳудуддан узоқлаштирган.АҚШ қўшини мамлакат ҳудудидан чиқиб кетмоқда, ўз навбатида Сурия ҳудудидаги курдлар Американинг ушбу ҳаракатига «ортдан туриб пичоқ санчиш» дея таърифлаган.