БМТнинг Афғонистонга кўмак бериш бўйича миссияси (UNAMA) мамлакатда ўтказилган президентлик учун сайловлар кунларида, шунингдек, сайловолди тадбирлар вақтида экстреместик гуруҳлар томонидан ўлдирилган тинч аҳоли вакилларининг сони 80 нафардан ортиқ эканлигини эълон қилди. Бу ҳақда «ТАСС» хабар берди.
Миссия маълумотига кўра, сентябрда ўтган сайловларда террорчилар уюштирган ҳужумлар натижасида 85 нафар афғонистонлик ўлдирилган. Террорчилар уюштирган терактларда Кобулда ва мамлакатнинг бошқа вилоятларида 373 нафар одам турли тан жароҳатлари олган ва яраланган.
UNAMA вакиллари Афғонистонда сайловлар кунида эктремистик гуруҳлар уюштирган ҳужумлар натижасида 28 нафар одам ҳалок бўлганлиги ва 249 нафар фуқаро жароҳатланганлигини таъкидлаган.
Мавзуга доир:
- Афғонистонда президент сайловлари кунида уюштирилган ҳужумларда 32 нафар одам ҳалок бўлди
- Афғонистонда террорчилар президентнинг сайловолди чиқиши вақтида портлашни амалга оширди. 25 нафар одам ҳалок бўлди
- Афғонистонда «Толибон» касалхона яқинида теракт уюштирди. 20 киши ҳалок бўлган, 100 га яқин одам яраланган
Сайловларнинг дастлабки натижалари 19 октябрда, якуний натижалари эса 7 ноябрда эълон қилиниши мумкин. Агар номзодлар етарли даражада овоз тўплай олмаса, у ҳолда 2-тур жорий йилнинг 23 ноябрида ўтказилади.
Изоҳ (0)