Туркия президенти Ражаб Тоййиб Эрдўғон Анқара санкциялардан хавотирга тушмагани ва Сурия шимоли-шарқидаги «Тинчлик булоғи» операциясини давом эттиришини маълум қилди. Бу ҳақда Туркия давлат раҳбари Озарбайжондан қайтаётган вақтда ўз самолёти бортида журналистларга берган интервьюсида қайд этган, деб ёзмоқда «ТАСС».
«Мақсадимиз аниқ ва биз турли санкциялардан асло қўрқмаяпмиз. ‘Халқ миллий ҳимояси’ кучлари ўз позицияларини бой бермоқда. Асосий мақсад – террорчиларни ўз чегарамиздан Сурия ичкарисига 32 километрга узоқлаштириш», — дея таъкидлаган Эрдўғон.
Мавзуга доир: Трамп Туркияга қарши санкциялар қўллашга кўрсатма берди
Эрдўғон Сурия ҳукумат армиясининг Манбижга кирганини салбий ҳодиса деб ҳисобламаслигини билдирди.
«Башар Асад қўшинларининг Манбижга кирганини ёмон ҳодиса деб ҳисобламайман. Сабаби бу уларнинг ҳудуди», — дейди Эрдўғон.
Шунингдек Туркия президенти Манбижни террорчилардан тозалаш зарурлигини ва бу ҳақда Россия давлат раҳбари Владимир Путин билан бу борада суҳбатлашганини ҳам маълум қилди.
Изоҳ (0)