Футбол бўйича Англия Премьер лигасининг 8-тури доирасида 5 октябрь, шанба куни Маурисио Почеттино қўл остидаги Лондоннинг «Тоттенҳэм» клуби сафарда «Брайтон»га қарши майдонга тушди.
Учрашувнинг 3-дақиқасидаёқ мезбон жамоа ҳужумчиси Нил Мопе ҳисобни очган бўлса, 32 ҳамда 65-дақиқаларда 19 ёшли ирландиялик Аарон Коннолли дублга эришди.
Шу тариқа «шпорлар» «Брайтон»га қарши кечган ўйинда ўз дарвозасидан жавобсиз 3 та тўп олиб чиқди ва очко йўқотди.
Қайд этиш жоиз, ўйиннинг 8-дақиқасида Лондон клуби дарвозабони Уго Льорис жароҳат олди ва унинг ўрнига Пауло Гассанига захирадан майдонга тушди.
Маълумот учун, «Тоттенҳэм» 11 очко жамғарган ҳолда мусобақа жадвалида 6-ўринни эгаллаб турибди. «Брайтон» эса очколари сонини 9 тага етказиб, 12-ўринга кўтарилиб олди.
АПЛ
8-тур баҳси
5 октябрь, шанба
«Брайтон»—«Тоттенҳэм» 3:0
Голлар: 1:0 — 3 Мопе, 2:0 — 32 Коннолли, 3:0 — 65 Коннолли«Брайтон»:Райан, Данк, Уэбстер, Берн, Монтойя, Гросс, Элзейт (Бонг, 88), Муй, Стивенс (Мюррей, 90), Коннолли (Биссума, 80), Мопе
«Тоттенҳэм»:Льорис (Гассанига, 8), Алдервейрелд, Дэвис, Вертонген, Сиссоко, Ламела, Эриксен, Ндомбеле (Уинкс, 46), Дайер, Сон Ҳён Мин (Лукас Моура, 73), Кейн
Огоҳлантиришлар:Дайер (55), Стивенс (57), Данк (89)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)