Бугун,

  • USD 10940.05
  • RUB 182.26
  • EUR 11121.65

Украина раҳбари Владимир Зеленский Америка президенти Дональд Трамп билан суҳбати стенограммасининг ўз версиясида чоп этишга қарши чиқди. Бу ҳақда Meduza хабар берди.

«Менинг фикримча, суҳбатни чоп этиш тўғри бўлмайдиган айрим жиҳатлар ва нарсалар бор», — дейди Зеленский 30 сентябрь, душанба куни журналистлар билан суҳбатда.

У президент бўлмасидан аввал дипломат бўлмагани, бироқ унда худди шундай бир нечта суҳбат бўлганини қайд этди.

У шунингдек, Украина Жо Байден ва унинг ўғли Хантернинг фаолиятини текширишга тайёр эканлигини маълум қилди. Бироқ бунинг учун ташаббус мамлакат тергов органларидан чиқиши керак, дейди Зеленский.

«Бизга ҳеч нарса ҳақида буйруқ бериш керак эмас, биз мустақил давлатмиз», — дея қўшимча қилади Зеленский.

Зеленскийнинг Трамп билан 2019 йилнинг 25 сентябрида ўтказилган телефон суҳбати Америка президенти импичменти жараёнини бошлаш учун асос бўлди.

Трамп Зеленскийдан 2020 йилги президентлик сайлови учун демократлардан номзод Жо Байденнинг ўғли Хантер Байден фаолиятини текширишни сўраганликда гумонланмоқда.

Изоҳ
Асосий янгиликлар