Афғонистонда бўлиб ўтган президентлик сайловида овоз берганлар сони ўтган галги сайловлар иштирокчиларининг ярмидан камроғини ташкил этгани уларнинг қонунийлиги борасида шубҳаларга сабаб бўлиши мумкин. Ғарб ОАВлари шундай хулосага келмоқда.
Washington Post нашрига кўра, ким ғолиб сифатида эълон қилинишидан қатъи назар, бу келгуси ҳукуматни заифлаштириши мумкин бўлган анчайин хунук кўрсаткич.
«Ғолиб учун асосий масала «Толибон» ҳаракати билан тинчлик келишувини таъминлаш бўлади. Бироқ сайловчилар сони кам бўлгани келгуси президентнинг музокаралар даврасига даъвогарлигини йўққа чиқариши мумкин», — дея ёзади Washington Post.
Ғарб ОАВларига кўра, қонунийлик борасидаги гумонлар бошқа сабаб туфайли ҳам юзага келиши мумкин.
«Мазкур сайловлар фирибгарлик ва ноқонуний ҳаракатлардаги айбловлар билан ҳам ўзига доғ туширди. Бу эса унинг натижалари баҳсларга сабаб бўлиши мумкинлиги борасидаги хавотирларни кучайтирди», — дея таъкидлайди Британиянинг Guardian нашри.
Изоҳ (0)