23 сентябрь куни Ўзбекистон ташқи ишлар вазирининг биринчи ўринбосари Илҳом Неъматов Хитой элчиси Сзян Ян билан учрашди. Бу ҳақда вазирлик матбуот хизмати хабар берди.
Бўлиб ўтган суҳбатда Шанхай Ҳамкорлик Ташкилотига аъзо давлатларнинг ҳукумат раҳбарлари (бош вазирлари) кенгашининг Тошкент шаҳридаги навбатдаги йиғилишига тайёргарлик кўришнинг ва унда Хитой делегацияси иштирок этишининг амалий жиҳатлари кўриб чиқилди.
«Учрашувда Хитой Давлат кенгаши бош вазири Ли Кецяннинг Ўзбекистонга расмий ташрифи дастури ва бўлажак Ўзбекистон—Хитой музокаралари кун тартиби юзасидан ҳам фикр алмашилди», — дейилади хабарда.
Изоҳ (0)