Тошкент шаҳар ИИББ пойтахтда жиноятчилик камайганини маълум қилди. Жорий йилнинг сўнгги саккиз ойи давомида жиноятлар сони ўтган йилнинг ушбу даврига нисбатан 18,48 фоизга камайган. Бу ҳақда ИИББ матбуот хизматига таяниб, «NUZ.uz» хабар берди.
Ҳуқуқ-тартибот идорасининг маълумотларига кўра, жиноий қидирувлар йўналишида жиноятлар 27,95 фоизга камайган, хусусан, қотиллик содир этиш ҳолатлари 19,57 фоизга, оғир тан жароҳатини етказиш — 11,58 фоизга, ўғирлик — 24,66 фоизга, босқинчилик — 40,63 фоизга камайган.
Ўғирликлар сони 41,09 фоизга қисқарган, улар орасида: квартираларда ўғирлик — 64,43 фоиз, телефон ўғирлаш —80,37 фоизга, автомобиль салонларидан буюмларни ўғирлаш — 37,58 фоиз.
Шунингдек, фирибгарлик ҳолатларида ушбу кўрсаткич 34,83 фоизга қисқарган, безорилик — 37,7 фоиз, ўлим билан якунланган ЙТҲ — 47,79 фоизга камайган. Жамоат жойидаги жиноятлар эса 41,27 фоизга тушган бўлса, вояга етмаганлар иштирокидаги жиноятлар 34,78 фоизга камайган.
Бундан ташқари, статистиканинг яхшиланишига куну тун ишлайдиган шаҳар милиция бўлимларининг ташкил этилиши ҳам хизмат қилгани таъкидланди. Уларнинг сони ҳар бир туманнинг майдонидан келиб чиққа ҳолда ташкил этилган. Масалан, Бектемир туманида 4 та бўлса, Олмазор туманида 9 та.
Бугунги кунда ҳуқуқ-тартибот идоралари ходимлари воқеа жойига 5—7 дақиқа ичида етиб келаётгани ҳам жиноятларнинг олдини олишга ҳисса қўшмоқда.
Изоҳ (0)