Футбол бўйича Бундеслиганинг 4-туридан сўнг 5 та гол билан тўпурарлар рўйхатида олди ўринлардан бирида бораётган «Боруссия Дортмунд» ҳужумчиси Пако Алькасер «Барселона»дан кетиш сабаблари ҳақида гапирди.
«Барселона»да мен нисбатан яхши муомалада бўлган ҳамкасбларимни ва бошқа инсонларни ҳурмат қиламан. Аммо бошқалар менга жуда ёмон муносабатда бўлганди. Ўйинчилар ва мухлислар мен билан муносабатда ўзларини жуда яхши тутган, кимлардир эса шунчалик расво... Менга одамларнинг ишонч билдираётганини кўриш муҳим эди, бироқ улар бунинг тескарисини кўрсатган. Мен Каталонияда тўп сурганимдан хурсанд бўлишим керак. Майдонга тушиш учун қўлимдан келганини қилдим. Лекин асосий таркибни мураббий шакллантиради. У ерда Луис Суаресдек ҳужумчига рақобат тақдим қилиш қийин эди», — дейди Алькасер.
Маълумот учун, Пако Алькасер 2018 йил 28 августида ижара асосида «Барселона»дан Дортмунд клубига ўтганди. Ўша йилнинг 23 ноябрида клуб Паконинг трансфер ҳуқуқини тўлиқлигича сотиб олди.
Эслатиб ўтамиз, Европа Чемпионлар Лигаси гуруҳ босқичи 1-тури доирасида «Боруссия» 18 сентябрь куни «Барселона»ни ўз майдонида қабул қилади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)