Futbol bo‘yicha Bundesliganing 4-turidan so‘ng 5 ta gol bilan to‘purarlar ro‘yxatida oldi o‘rinlardan birida borayotgan “Borussiya Dortmund” hujumchisi Pako Alkaser “Barselona”dan ketish sabablari haqida gapirdi.
“Barselona”da men nisbatan yaxshi muomalada bo‘lgan hamkasblarimni va boshqa insonlarni hurmat qilaman. Ammo boshqalar menga juda yomon munosabatda bo‘lgandi. O‘yinchilar va muxlislar men bilan munosabatda o‘zlarini juda yaxshi tutgan, kimlardir esa shunchalik rasvo... Menga odamlarning ishonch bildirayotganini ko‘rish muhim edi, biroq ular buning teskarisini ko‘rsatgan. Men Kataloniyada to‘p surganimdan xursand bo‘lishim kerak. Maydonga tushish uchun qo‘limdan kelganini qildim. Lekin asosiy tarkibni murabbiy shakllantiradi. U yerda Luis Suaresdek hujumchiga raqobat taqdim qilish qiyin edi”, — deydi Alkaser.
Ma’lumot uchun, Pako Alkaser 2018-yil 28-avgustida ijara asosida “Barselona”dan Dortmund klubiga o‘tgandi. O‘sha yilning 23-noyabrida klub Pakoning transfer huquqini to‘liqligicha sotib oldi.
Eslatib o‘tamiz, Yevropa Chempionlar Ligasi guruh bosqichi 1-turi doirasida “Borussiya” 18-sentabr kuni “Barselona”ni o‘z maydonida qabul qiladi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)