Зимбабвенинг собиқ президенти Роберт Мугабе 6 сентябрь куни 95 ёшда вафот этгани ҳақида аввалроқ хабар берилганди. «Зимбабве Африка миллий бирлиги — Ватанпарварлик фронти» партияси Роберт Мугабени мамлакатнинг миллий қаҳрамони унвони билан тақдирлади, деб хабар беради «ТАСС».
Амалдаги президенти Эммерсон Мнангагва ушбу қарор ҳақида Хараредаги ҳукумат биноси олдида қилган чиқиши вақтида эълон қилди. «Роберт Мугабе Африканинг мустамлакачилик зулмидан озод бўлишига эришган жангчилар авлодининг вакили. Буни Зимбабве ва Африканинг бошқа халқлари ҳеч қачон унутмайди», — дейди Мнангагва.
Шунингдек, президентнинг айтишича, Мугабенинг жасади Сингапурдан қайтариб олиб келинмагунича мотам давом этади.
Роберт Мугабе 1980 йили, Зимбабве мустақилликка эришганда бош вазир бўлганди. 7 йилдан сўнг бу лавозимни бекор қилиб, ўзини президент этиб тайинлайди. Мугабе давлат раҳбарлигига олти маротаба қайта сайланган ва мамлакатни салкам 40 йил бошқарган. 2017 йилдаги давлат тўнтарилишидан сўнг истеъфога чиқишга мажбур бўлган.
Изоҳ (0)