АҚШ президенти Дональд Трамп миллий хавфсизлик мутасаддиларига денгиз орқали  Венесуэлага маҳсулот етказиш ва улардан қабул қилишни тўхтатишни таклиф қилди. Бу ҳақда Трампдан бевосита эшитган ёки унинг баёнотидан хабардор бўлган 5 нафар собиқ ва амалдаги мансабдорларга таяниб, Axios хабар берди.

Фото: «Корабелний портал»

«РБК»нинг ёзишича, Трамп кемаларни Венесуэла қирғоқлари бўйлаб жойлаштиришни таклиф қилган.

Мансабдорларнинг сўзларига кўра, бу ҳақда Трамп қарийб бир ярим йилдан бери айтади, хусусан, бир неча ҳафта олдин ҳам тилга олган.

Хабарда айтилишича, Пентагонда президент таклифи жиддий қабул қилинмаган. Мутасаддилар буларнинг барчаси ноўринлиги, қонуний асосга эга эмаслиги ва Ҳарбий денгиз кучлари ресурсларини талаб этиши, улар эса аллақачон Хитой ва Эронга қарши курашга жалб этилганини айтган.