АҚШ хавфсизлик архиви Чернобил АЭСда 1986 йилда юз берган ҳалокат ҳақидаги америкалик разведкачиларнинг биринчи махфий ҳисоботини эълон қилди. «РБК»нинг хабар беришича, унда реактор портлаши оқибатида ҳалок бўлганларнинг тахминий сони келтирилган.
Ҳисобот 1986 йилнинг 2 майида Мортон Абрамовиц томонидан АҚШ давлат котиби номига юборилган. У пайтда бу лавозимни Жорж Шульц эгаллаган. Унда илмий ҳамжамият расмий маълумотларда айтилганидек, табиий офат оқибатида фақат 2 кишининг ҳалок бўлганини «сафсата» деб топган.
Абрамовицнинг ҳисоб-китобларига кўра, кундузги иш вақтида РБМК—1000 реакторида қарийб 100 киши бўлган. Кечаси у ерда тахминан 20—25 нафар ходим ишлаши керак бўлган.
«Учинчи ва тўртинчи энергия блоклари бир-бирига яқин жойлашганлиги сабабли тўртинчи блок яқинида кундузи тахминан 200 киши ва кечаси 70 нафаргача одам бўлган», — дейди Абрамовиц.
Абрамовицнинг айтишича, портлаш вақтида реактор яқинида камида 100 нафар одам бўлган. Вайронгарчилик суратларига қаралганда, тўртинчи блок яқинида бўлганларнинг барчаси хавфли радиация нурланишидан воқеа жойининг ўзида ҳалок бўлган.
Ҳужжат Борис Елцин давридаги Президент кенгашининг собиқ аъзоси Алла Ярошинская ва у ҳақидаги китобнинг чиқарилиши муносабати билан чоп этилган. Бундан ташқари, кундаликка ёзилган маълумотлар, КПСС марказий қўмитаси Сиёсий бюроси йиғилишлари ҳисоботлари ва бошқа материаллар келтирилган.
Мавзуга доир: Тарихдаги энг йирик АЭС ҳалокатлари
Изоҳ (0)