Мадриднинг «Реал» клуби тиббий ходимлари жамоа ҳимоячиси Ферлан Мендига ўнг оёқ сон қисми мушаклари шикастланиши ташхисини қўйди. Бу ҳақда «қаймоқранглилар»нинг расмий сайтида хабар берилди.
АS’га кўра, 24 ёшли француз жароҳат сабаб уч ёки тўрт ҳафта майдонга тушмаслиги мумкин.
Эслатиб ўтамиз, Менди июнь ойида «Реал»га «Лион»дан 48 миллион евро эвазига ўтганди. Французлар қўшимча бонус сифатида яна 5 миллионга эга бўлиши мумкин.
Маълумот учун, Менди «Лион» сафида 79 та учрашувда майдонга тушиб, 3 та гол урди ҳамда 7 та голга ассистентлик қилди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)