Бразилия терма жамоаси ҳамда «Эвертон» клуби ҳужумчиси Ришарлисон ўзи туғилиб ўсган Нова-Венесия шаҳрида хайрия аксиясида иштирок этди.
Хайрия тадбири доирасида ташкиллаштирилган ўртоқлик ўйинига 3 минг киши ташриф буюрди. Уларнинг барчаси муҳтожларга керакли маҳсулотларни тақдим этди.
Таъкидланишича, ночор ҳолатдаги оилалар ҳамда муҳтожларга 6,4 тонна миқдоридаги маҳсулотлар (егуликлар, кийимлар, спорт анжомлари) йиғилган. Ришарлисон эса барча маҳсулотнинг пулини ёнидан тўлаб берган.
Маълумот учун, Ришарлисон ўтган мавсум Англия Премьер лигасида 35 та ўйин ўтказиб, 13 та гол урди ва 3 та голли узатма берди. Шунингдек, у Копа Америка—2019 мусобақасида Бразилия термаси билан ғолиб бўлди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)