«Лос-Анжелес Гэлакси» клуби ҳужумчиси Златан Ибрагимович ўзини «Лос-Анжелес» аъзоси, мексикалик ҳужумчи Карлос Вела билан солиштирган журналистларни қаттиқ танқид қилди.
«Велани жуда ҳурмат қиламан. У яхши футболчи. Аммо сиз мени у билан солиштириб хато қилдингиз. Бу сизнинг катта хатонгиз. Мен бу ерда Вела билан солиштиришлари учунгина юракдан ишлаганим йўқ. Ferrari’ни Fiat билан қиёсламаслик керак. Энг яхши эканлигимни кўрсатдим, шундайми? Нафақат Веладан, балки лигадаги бошқа ўйинчилардан ҳам. Мен буни ҳар куни намойиш этаман. Бугун ҳам бундан истисно бўлмади», — дейди Златан Ибрагимович.
Маълумот учун, иккала жамоа 20 июль куни ўзаро тўқнаш келди. Ундан Златаннинг жамоаси 3:2 ҳисобида устун келди. Ибрагимович учрашувда ҳет-трикка эришган бўлса, Карлос Вела дубль қайд этди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)