Бразилиянинг Сан-Паулу шаҳридаги халқаро аэропортда номаълум шахслар 750 килограмм олтин ўғирлади. Бу ҳақда Globo хабар бермоқда.
Жиноятчилар аэропорт ҳудудига 25 июль, пайшанба куни кундузи полицияникига ўхшаш икки автомобилда келгани айтилмоқда. Улар ҳуқуқ-тартибот ходимлари кийимида ва қуролланган бўлган.
Юк терминалига кириб борган жиноятчилар Brink’s компанияси инкассаторлик фургонини талон-торож қилган ва шундан сўнг яширинган.
Ўғирлаб кетилган олтин нархи 30 миллион долларга баҳоланмоқда.
Изоҳ (0)