Туркманистон президенти Гурбангули Бердимуҳамедовнинг вафот этгани ҳақида «Говорит Москва» Евросиё муаммолари мониторинг маркази директори Аслан Рубаевга таяниб хабар бермоқда.

Фото: «РИА Новости»

Унинг сўзларига кўра, Туркманистон президентининг ўлими ҳақида Ашхободда ишлайдиган бизнесменлар маълум қилган. «Бу аниқми, деб сўраганимизда, улар махсус хизматларда ишлайдиган танишлари бу ҳақда айтгани, воқеа Бердимуҳамедов таътилга чиққанида юз берганини маълум қилишди», — деди Рубаев.

Гурбангули Бердимуҳамедов таътилга 15 июль куни чиққан эди.