Қирғизистоннинг собиқ президенти Алмазбек Атамбаев келаётган ҳафтада Россияга учишни режалаштираётгани ҳақида маълум қилди, дея хабар берди Sputnik.
Собиқ давлат раҳбари ўз режаси ҳақида гапирган видео маҳаллий ижтимоий тармоқларда эълон қилинган. Атамбаев «халқ штаби» деб ном олган штаб жойлашган Қўй-Тошдаги уйидан чиқиб, журналистларнинг саволларига жавоб берган.
Атамбаевнинг айтишича, у аввал режалаштирганидек, бир-икки кунлик сафарда бўлади.
«Менинг учишимни ҳамма ҳам хоҳлаётгани йўқ. Лекин ўйлайманки, ҳаммаси жойида бўлади, мен шуни биламанки, мени таклиф этаётган одамлар у ёққа учишим ва қайтишим нормал кечишини ташкиллаштириб беради», — деб айтган Атамбаев.
«Аввалроқ, 15 июль куни, Атамбаев агар бунинг имкони бўлса мамлакатни фақат икки кунга тарк этишини маълум қилиб, Қирғизистонни бир умрга тарк этишни режалаштирмаганини ҳам қўшимча қилганди. Ўшанда ОАВда Атамбаев Россияга Евросиё банки бошқарув раиси Андрей Беляниновнинг таклифига биноан боришни режалаштираётгани ҳақида хабарлар тарқалган эди»,— деб ёзилади хабарда.
Изоҳ (0)