Нью-Йоркда Ойга илк бор одам қўнганига 50 йил тўлгани муносабати билан Christie’s ауксион уйи томонидан кимошди савдоси ўтказилди. «РИА Новости»нинг хабар беришича, унда ҳужжатлар, «Аполлон 11» кемасидаги хариталар, астронавтларнинг суратлари ва бошқа нарсалар сотилган.
АҚШда Ойга парвознинг 50 йиллиги муносабати билан ўтказилаётган тадбирлар бир ҳафтадан буён давом этмоқда. Асосий тадбирлар 19—20 июль кунлари ўтказилади. Айнан шу вақтда 50 йил олдин Нил Армстронг ва Базз Олдрин жаҳонда биринчи бўлиб Ой сиртига етиб борган.
Кимошди савдога умумий ҳисобда 200 та буюм қўйилган. Тадбир ташкилотчиларининг баҳолашича, айрим лотларнинг баҳоси 9 миллион долларгача етиши керак эди.
Аммо ауксион натижалари кутилганидан анча паст бўлди ва буюмлар умумий ҳисобда 907 минг долларга сотилган.
Изоҳ (0)