Владимир Путин Россия Бош разведка бошқармаси (ГРУ) собиқ полковниги Сергей Скрипалнинг Британия махсус хизматлари томонидан заҳарланганига ишонмаслигини айтди. «ТАСС»нинг хабар беришича, Россия президенти америкалик режиссёр Оливер Стоунга берган интервьюсида шундай фикр билдирган.
«Очиғини айтсам, бунга унча ҳам ишонмайман. Мен бунга ишонмайман», — деган Путин Стоуннинг Скрипални Британия махсус хизматлари вакиллари заҳарлаган бўлиши мумкинми-йўқми мазмунидаги саволига жавоб бериб.
Россия президентининг қўшимча қилишича, у Скрипал ҳозир қаерда эканлигини билмайди ва унинг матбуотга қандайдир ахборот бера олиши мумкинлигига шубҳа билдирган.
«Бунга шубҳам бор. У сафдан чиқиб бўлди. Унда қандай ахборот бўлиши мумкин?», — деган у.
Изоҳ (0)