Грузиянинг «Рустави 2» телеканали журналисти Георгий Габуний эфирда Россия президентини ҳақорат қилганидан сўнг телеканал фаолияти 8 июлга ўтар кечаси вақтинча тўхтатилди. Бу ҳақда Meduza хабар берди.
Маълум бўлишича, телебошловчи 8 июлда ўзининг «Постскриптум» муаллифлик кўрсатувида бир дақиқадан ортиқ вақт рус тилида ҳақорат қилган ҳолда Путин ва унинг ота-онасига мурожаат қилган.
Дастур эфирга узатилганидан кўп ўтмай, телекомпания биноси олдида журналистнинг нутқидан норози бўлган фуқароларнинг норозилик намойиши бошланган. Намойишчилар Габунийни ишдан бўшатишни талаб қилган. Журналистлар ҳаётига таҳдид хавфи юзага келгани сабабли «Рустави 2» ўз фаолиятини вақтинча тўхтатган.
Канал Габуний қилмиши учун узр сўраб, бошловчи ахлоқ нормалари ва таҳририят сиёсати нормаларини бузганини таъкидлаган.
Габунийнинг қилмишини кўплаб грузиялик сиёсатчилар, шу жумладан мамлакат президенти Самломе Зурабишвили ҳам қоралаган.
Канал 8 июль куни тонгда ўз ишини яна давом эттирган.
Изоҳ (0)