2018 йилнинг февралида «Гита» тропик циклони Янги Зеландия ва унинг яқинида жойлашган оролларга катта талофат етказган эди. Шунингдек, циклон ғайриоддий табиат феноменининг пайдо бўлишига сабаб бўлган, деб хабар беради Nationаl Geographic.
3—22 февраль кунлари Тинч океанининг жанубий қисмига ёпирилган кучли шамол, ёғингарчилик ҳамда тошқинлар тошлар оқимини юзага келтирган эди.
Видеодан кўриш мумкинки, тоғ жинси худди дарёни эслатиб «оқмоқда». Кучли тош оқими 8 та фермани қўшни шаҳарга элтувчи йўлларни ёпиб қўйган.
Геологларнинг айтишича, мазкур ҳолатда зич тупроқ ҳаракатланмоқда. Тўфонга ўхшаш ташқи кучлар таъсирида тупроқ «сувга нисбатан зичлиги катта бўлса ҳам, ўзини худди суюқликдек тутади».
Изоҳ (0)