Ливия пойтахти яқинида кузатилаётган ҳарбий тўқнашувлар оқибатида 4 апрелдан буён 653 киши ҳалок бўлди, деб хабар берди «ТАСС». Жаҳон соғлиқни сақлаш ташкилотининг Ливия бўлими маълумотига кўра, ҳалок бўлганларнинг 41 нафарини тинч аҳоли ташкил этган.
Шунингдек, қуролли тўқнашувлар бошлангандан бери Триполи атрофида 3 547 киши яраланган, улардан 126 нафари тинч аҳоли вакиллари эди. Сўнгги ҳафтада тиббий хизмат ходимларининг уч нафари ҳам ярадор бўлган.
БМТ маълумотига кўра, ҳарбий ҳаракатлар оқибатида 90 мингдан ортиқ аҳоли Ливия пойтахтини тарк этишга мажбур бўлган.
Изоҳ (0)