Tengrinews нашрининг мухбири Шокан Алхабаев Олмаотада содир бўлган норозилик намойишларини, хусусан, Сайран туманидаги намойишчиларнинг полиция томонидан қўлган олинишини ёритаётганида жароҳат олди.
Маълумотларга кўра, полиция намойишчиларда совуқ қурол бўлиши мумкинлиги учун йўловчиларни тўхтатиб, текшираётган бўлган.
Полиция ходимлари Tengrinews журналистининг видеога олишига тўсқинлик қилиб, унинг телефонини олиб қўйишга уринишган, Шоканни бир неча бор дўппослашган ҳам.
«Мен полициячилар одамларни қандай қўлга олишаётганини видеога олишга бордим. Улардан бири ‘Нега тасвирга оляпсан?’ деб сўради. Мен журналист эканлигимни айтдим. Улар тасвирга олмаслигимни айтишди. Шу вақт бошқа бир полициячи келиб мени қўлга олишни буюрди. Телефонимни олиб қўйишди. Қайтаришларини сўраганимда яна бир нечта полициячи келиб мени ерга ётқизишиб, тепа бошлашди», — дейди Алхабаев.
Tengrinews нашри Олмаота полиция департаменти ва Ички ишлар вазирлигига мазкур ҳолат бўйича мурожаат қилган.
Изоҳ (0)