Бугун,

  • USD 10940.05
  • RUB 182.26
  • EUR 11121.65

Вазирлар Маҳкамасининг 31 майдаги «Ёқилғи-энергетика ресурсларининг айрим турлари учун тариф сиёсатини янада такомиллаштириш чора-тадбирлари тўғрисида»ги қарорига асосан, баъзи истеъмолчиларга электр энергияси ва табиий газ учун ўзаро ҳисоб-китоб қилишда қулайлик ва енгилликлар яратилди. Бу ҳақда Монополияга қарши курашиш қўмитаси матбуот хизмати маълум қилди.

Эндиликда аҳолини электр билан таъминлаш учун фойдаланадиган идоравий ва муниципал уй-жой фонди, юридик шахслар ётоқхоналари ва оилавий корхоналарга, шунингдек, электр энергиясидан аҳоли эҳтиёжлари учун фойдаланадиган локал қозонхоналарга маиший истеъмолчилар учун электр энергиясининг нархи 1 кВт/с учун 331 сўмдан 250 сўмга пасайтирилди.

Аввал юқоридаги истеъмолчилар гуруҳлари асосан хўжалик юритиш фаолияти билан шуғулланувчи корхоналар учун кўзда тутилган тарифлар бўйича тўловларни амалга оширган.

Шунингдек, электр таъминоти корхонасининг электр тармоқлари ва уйларнинг ички электр тармоқларининг бўлиниш чегарасидан умумий мулк ҳисобланадиган ушбу тармоқлардан таъминланадиган маиший истеъмолчиларнинг электр энергиясини ҳисобга олиш асбобларигача бўлган электр тармоқларидаги электр энергияси йўқотишлари эндиликда ҳудудий электр тармоқлари корхоналарининг технологик йўқотишларида ҳисобга олиниши белгиланди.

Аввал ушбу йўқотишлар уй-жой мулкдорлари ширкатлари ёки коммунал-эксплуатация ташкилотлари зиммасига юкланган ва ушбу харажатлар ҳар бир хонадонга (абонентга) тақсимлаб борилган.

Бундан ташқари электр энергияси ва табиий газни реализация қилишда нархни шакллантиришнинг алоҳида тартиби белгиланадиган ташкилотлар табиий газ учун оширилган тариф бўйича тўловларни (1 куб метр учун 1000 сўм) фақатгина Президентнинг «Энергия ресурсларидан оқилона фойдаланишни таъминлаш чора-тадбирлари тўғрисида»ги қарори билан тасдиқланган рўйхатда кўзда тутилган маҳсулотларни ишлаб чиқариш ва хизматлар кўрсатиш қисми учун (пишган ғишт, оҳактош, цемент, фарфор ва фаянс маҳсулотлари ишлаб чиқарувчи корхоналар, иссиқхоналар, умумий овқатланиш объектлари ва бошқалар) амалга оширади.

Аввал юқорида таъкидланган рўйхатга киритилган тадбиркорларга барча бошқа турдаги фаолият соҳалари бўйича ҳам табиий газ учун оширилган тарифлар қўлланилган.

Изоҳ
Асосий янгиликлар