Шавкат Мирзиёев 1 июнь куни Бўка туманига ташрифи доирасида янги ташкил этилган кутубхона билан танишган эди. Ахборот ва оммавий коммуникацияларлар агентлиги хабарига кўра, кутубхона билан танишув давомида Ўзбекистон Миллий кутубхонасига тегишли вазирлик ва идораларнинг соҳавий муассасалари мутахассисларини жалб қилган ҳолда, илмий ёндашувлар асосида аҳолининг ёш қатламларидан келиб чиқиб, китоб мутолаасига қизиқтириш, ёшига қараб қандай китоблар ўқиши бўйича методик қўлланмалар ва тавсиялар ишлаб чиқиш вазифаси юклатилди.
Ушбу вазифа бўйича 7 июнь куни Ўзбекистон Миллий кутубхонасида тегишли вазирлик ва идора вакилларидан иборат Ишчи гуруҳининг йиғилиши бўлиб ўтди. Йиғилишда Миллий кутубхона директори У.Тешабоева Президентининг топшириғи бўйича маълумот берди.
Мазкур масала бўйича АОКА бўлим бошлиғи V.Ҳомидов 3 та йўналиш бўйича (мактабгача ёшдаги болалар, мактаб ёшидаги болалар ва катта ёшдагилар) китоб ўқишга жалб қилиш учун методик тавсия ишлаб чиқиш вазифасини топширди.
V.Аҳмедова китоб ўқишга жалб қилиш бўйича хориж тажрибаси ўрганилгани ва ундан келиб чиқиб қабул қилинган давлат дастурлари ҳақида маълумот берди. Шу жумладан, у китоб мутолаасига қизиқиш пасайганлигини инобатга олган ҳолда Миллий давлат дастурини ишлаб чиқиш зарурлигини айтиб ўтди.
Ишчи гуруҳи йиғилишида мутолаага жалб қилиш методикасини ишлаб чиқишда педагог, психологлар билан ҳамкорликда ишлаш тавсия қилинди. Шунингдек, Миллий кутубхонада мутолаага жалб қилиш методикаси бўйича танлов ташкил қилиш бўйича фикр-мулоҳазалар билдирилди.
Изоҳ (0)