Мирзо Улуғбек туманида, Тошкент ҳалқа автомобиль йўлида (Crafers заводи) 7 июнь куни соат тахминан 22:10 да ЙТҲ содир бўлди. Бу ҳақда ИИББ матбуот хизмати хабар берди.
Маълум бўлишича, 22 ёшли пиёда Г.I. йўлни белгиланмаган жойдан, пиёдалар ўтиш йўлагидан 25 метр нарида кесиб ўтаётган бўлган. Lacetti’нинг 41 ёшли ҳайдовчиси Х.Х. пиёдани уриб кетган. Шундан сўнг у бошқарувни йўқотиб, 49 ёшли Ю.А. бошқарувидаги Cobalt машинаси билан тўқнашган. Lacetti уриб кетиши оқибатида пиёда 39 ёшли К.Д. бошқарувида бўлган Shacman юк машинаси остида қолган.
Оқибатда пиёда Г.I. ва Lacetti йўловчиси 38 ёшли О.М. воқеа жойида ҳалок бўлган. Cobalt йўловчиси, 23 ёшли Ю.А. тан жароҳатлари билан шифохонага ётқизилган. Lacetti ҳайдовчисига тиббий ёрдам амбулатор шароитда кўрсатилган, шундан кейин у касалхонадан чиқарилган.
Дастлабки маълумотларга кўра, ЙТҲга пиёда йўлни белгиланмаган жойдан, пиёдалар ўтиш йўлагидан 25 метр наридан кесиб ўтаётгани сабаб бўлган. Ласетти ҳайдовчисининг айбдорлик даражаси эса тергов давомида аниқланади.
Изоҳ (0)