Тошкент шаҳрининг Чилонзор тумани, 19-даҳасида яшовчи 53 ёшли Лилия М. уйга қайтганида ҳеч ким эшикни очмагани учун 7 июнь куни ички ишларга мурожаат қилган. Аёл уйда 77 ёшли онаси ва 28 ёшли ўғли бўлиши кераклигини айтган.
ИИББ матбуот хизматининг хабар беришича, профилактика инспекторлари томонидан ФВВ мутахассислари чақирилган ва гувоҳлар ҳузурида эшик очилган. Қайд этилишича, хонадонда ҳашаротларни ўлдириш учун мўлжалланган кулранг кукун сепилган газета бўлаклари солинган бўлган.
77 ёшли аёлнинг жасади коридорда, 26 ёшли йигитнинг жасади эса балконда топилган.
Воқеа содир бўлган жойга Ички ишлар органлари фаолиятини мувофиқлаштириш бошқармаси бошлиғи, прокурор, солиқ инспекцияси бошлиғи, шунингдек, Чилонзор тумани ҳокимлиги ва санитар-эпидемиология хизмати вакиллари етиб келган.
«Ҳозирда текширув ишлари олиб борилмоқда, тегишли экспертиза тайинланган», — дейилади хабарда.
Изоҳ (0)