Ҳиндистон ҳукумати мамлакат ҳаво ҳудудидан фойдаланиш бўйича жорий этган вақтинчалик та’қиқни олиб ташлади. «РИА Новости»нинг ёзишича, бу ҳақда Ҳиндистон Ҳарбий-ҳаво кучлари (ҲҲК) матбуот хизмати маълум қилган.
«Ҳиндистон (ҲҲК) томонидан ҳаво ҳудуди бўйича 2019 йил 27 февралида жорий этилган вақтинчалик чекловлар олиб ташланди», — деб ёзилган баёнотда.
Аввалроқ Покистоннинг фуқаро авиацияси бошқармаси Покистон ҳукумати тижорий парвозлар учун ўз ҳаво ҳудудидан фойдаланиш бўйича Ҳиндистонга қўйган чеклови 15 июнга қадар давом этишини маълум қилган эди.
Покистон ҳукумати ҳам февраль ойи охирларида ўз ҳаво ҳудудини тижорий рейслар учун ёпиб қўйган эди. Бу Покистон ҳукуматининг Кашмирдаги баҳсли жойда ҳаво ҳудудини бузган Ҳиндистоннинг икки ҳарбий самолётини уриб туширганини маълум қилганидан сўнг содир бўлган эди. Шундан сўнг Покистон ҳудудидан парвозларни амалга ошириши чекловлари бир неча марта узайтирилган.
Изоҳ (0)