Грузия собиқ президенти Михаил Саакашвили Украинага президент Владимир Зеленскийга ёрдам бериш ниятида қайтганини маълум қилди, деб хабар беради «Корреспондент.net».
«Режам — Зеленский жамоасига ҳар томондан маслаҳат, таржибам билан ёрдам бериш. Чунки ушбу президентнинг муваффақияти бутун мамлакат муваффақиятидир», — дейди Саакашвили.
Унинг таъкидлашича, Зеленскийга президент лавозимидаги ишида муваффақиятсизликка учрашига йўл қўймаслик лозим.
Саакашвилининг сўзларига кўра, у ҳеч кимдан қасос олиш ниятида эмас, чунки унинг қўлидан «фақатгина қуриш» келади. Шу билан бирга сиёсатчи олдинги президент жамоаси вакиллари қонун олдида жавоб беришларига умид қилмоқда.
Эслатиб ўтамиз, 28 май куни Владимир Зеленский Михаил Саакашвилига Украина фуқаролигини қайтариб берганди.
Изоҳ (0)