Россия президенти Владимир Путин 40 дан ортиқ аэропортга қўшимча ном қўйиш тўғрисидаги қарорга имзо чекди. Янги номлар 2018 йилда ўтказилган «Россиянинг буюк номлари» танлови доирасида танланган, деб хабар беради Meduza.
Шундай қилиб, Москванинг «Внукова» аэропорти авиаконструктор Андрей Туполёв, «Домодедова» — Михаил Ломoносов, «Шереметьево» — Александр Пушкин шарафига номланди.
Янги номлар тўғрисидаги президент қарорида Волгоград ва Санкт-Петербург аэропортлари ҳақида сўз бормайди. Россия Жамоатчилик палатасининг маълум қилишича, минтақавий жамоатчилик палаталари танлов ташкилотчиларига ушбу шаҳарларнинг иштирокини «ҳудудларда жамоатчилик фикрини қутблаштиришдан сақланиш учун» тўхтатишни сўраган.
Санкт-Петербург аэропортига Фёдор Достоевский, Волгоградга эса учувчи Алексей Маресьевнинг номи берилиши режалаштирилган эди. Ушбу аэропортларга ном танлаш учун танловнинг иккинчи турини ўтказишга ҳам тўғри келган.
Изоҳ (0)