Миллиардер Абрамовичнинг музейи Ўзбекистонда кинофестиваль ўтказади

Ўзбекистон Маданият вазирлиги ҳузуридаги Маданият ва санъатни ривожлантириш жамғармаси ва «Гараж» Замонавий санъатлар музейи Тошкентдаги Замонавий санъатлар марказининг очилиш маросими доирасида Garage Сcреен Фильм Фестиваль кинофестивалини ўтказади, деб хабар қилди Sputnik.

«Гараж» музейи директори Антон Белов Ўзбекистонда замонавий санъат музейи очилиши борасида тўхталар экан, бу «рамзий воқелик» эканини таъкидлади.

«Ушбу воқеа Тошкентга сеҳрли-шаҳар мақомини олишга, унинг жозибасини оширишга хизмат қилади. Ишончим комилки, Замонавий санъат маркази бу ўлкага келувчи меҳмонлар севиб қадам ранжида қиладиган жойга айлана олади. Чунки одамларга нафақат кўҳна тарих манзаралари, балки ҳозирги келажак ҳам жуда қизиқ», - деди Белов.

Фестиваль дастурига кўра, бугун очилиш маросими ўтказилган Замонавий санъатлар Марказида 14 апрелдан 25 майга қадар, 2008 йилда Даря Жукова ва миллиардер Роман Абрамович томонидан ташкил этилган «Гараж» музейи томонидан бешта фильм намойиш этилади.

Булар: Антон Желновнинг «Ғариб одамлар. Кабаковлар», Сара Драйвернинг «Баския: Ҳақиқатнинг кўриниши», Хизер Ленснинг машҳур замонавий рассомлардан бири Кусаманинг ижодига бағишланган «Кусама: Бепоён дунёлар» ҳикояси, Юлиан Розефелдтнинг «Манифесто» блокбастери, шунингдек, таниқли рассом Маурицио Кателланинг «Ҳаммаси» деб номланган ҳужжатли фильмлардир.