Бўкада «Маънавият ва маърифат» экопарки қурилади
Республика Маънавият ва маърифат маркази раҳбари Алишер Қодиров бошчилигидаги маънавиятчилар икки мингдан зиёд турли номдаги китобларни аҳоли ва ёшларга тақдим этди, деб хабар берди марказ матбуот хизмати.
Шунингдек, тадбирлар доирасида марказ раҳбари Алишер Қодиров Бўка туманида жойлашган 3 ва 5-сонли умумтаълим мактабларида таълим олаётган ёшлар билан учрашган. Мактаблар кутубхонасига марказ томонидан ўқувчилар сўраган 100 дан ортиқ бадиий адабиётлар тақдим этилиши режалаштирилган.
Бундан ташқари, Бўкадаги қаровсиз ҳолда бўлган эски стадион ўрнига туман «Маънавият ва маърифат» экопарки қурилади.
Тадбирда Республика Маънавият ва маърифат маркази ташаббусига кўра 2019 йилнинг 29 майгача мамлакатдаги барча мактаб ўқувчилар орасида энг кўп китоб ўқиган ўқувчи ёзги таътил даврида Ўзбекистоннинг тарихий шаҳарларидан бирига бир ҳафталик саёҳат йўлланмасини қўлга киритиши тўғрисидаги эълон ҳам айтиб ўтилган.
