«Қўғирчоқ» номли немис овозсиз фильми «Сўғдиёна» Ўзбек давлат халқ чолғулари камер оркестри мусиқий ҳамроҳлигида Урганч, Хива ва Нукус шаҳарларида намойиш этилади. Бу ҳақда Германиянинг Ўзбекистондаги элчихонаси матбуот хизмати хабар берди.
«Германиянинг Тошкентдаги элчихонаси Ўзбекистон Республикаси Маданият вазирлиги билан ҳамкорликда Сизларни Эрнст Любичнинг 1919 йилда суратга олинган ‘Қўғирчоқ’ овозсиз кинокомедияси намойишига таклиф этади. Мазкур фильм намойиши ‘Суғдиёна’ ўзбек миллий чолғулари камер оркестри бадиий раҳбари ва дирижёри – профессор Феруза Абдураҳимова томонидан ишлаб чиқилган мусиқий композициялар ҳамроҳлигида амалга оширилади. Тадбир доирасида ҳамкор мактабларга спорт инвентарлари тақдим этилади», — дейилади хабарда.
Бир соат давом этадиган ушбу фильм комедия бўлиб, унда бадавлат Бароннинг жияни унинг мол-дунёсини мерос қилиб олиш учун уйланиши лозим бўлади. Бироқ жияннинг мутлақо уйлангиси йўқ, вазиятдан чиқиш учун у одамга ўхшаш қўғирчоқ билан сохта никоҳдан ўтиш қарорини қабул қилади. Бироқ айни никоҳдан олдин қўғирчоқ синиб қолади-нима қилиш керак? Қўғирчоқлар ясатувчисининг қувноқ қизи, отаси янги қўғирчоқ ясаб бергунча, қўғирчоқ ролини ўйнаб туриш учун ёрдамга келади. Жиян бу хийла тўғрисида ҳали ҳеч нарсани билмайди….
13 апрель соат 17:00 – Нукус шаҳри – Қорақалпоқ давлат академик мусиқа театри15 апрель соат 17:00 – Хива тумани – Дашёқ маданият маркази16 апрель соат 17:00 — Урганч шаҳри – Хоразм вилоят мусиқали драма театрида
Кириш бепул. Фильм ўзбек тилидаги таржимаси билан кўрсатилади.
Изоҳ (0)