«Элпарвар», «Исломхўжа», «Сабот», «Иссиқ нон». «Олтин ҳумо» кинотақдимотида 2 ва 3 номинация ғолиби бўлган фильмлар рўйхати

«Туркистон» санъат саройида «Олтин ҳумо» миллий кинотақдимоти бўлиб ўтди.

Журналист Феруз Муҳаммаднинг маълумотига қараганда, тақдимотда ҳакамлар ҳайъати аъзолари томонидан бир фильм бир нечта номинация ғолиби деб топилди.

Режиссёр Жаҳонгир Аҳмедов томонидан суратга олинган «Исломхўжа» тарихий, бадиий-публицистик  фильмш «Энг яхши грим рассоми», «Энг яхши рассом иши» номинацияларига муносиб кўрилди.

Режиссёр Рашид Маликов «Сабот» фильми эса «Энг яхши режиссёрлик иши» ва  «Энг яхши эркак роли» номинацияси ғолиби бўлди.

Режиссёр Абдувоҳид Ғаниев томонидан суратга олинган «Элпарвар» тарихий фильми «Энг яхши графика иши», «Энг яхши либослар бўйича рассом», «Энг яхши кино бастакори» номинациясилари бўйича ғолиб бўлди.

Режиссёр Умид Ҳамдамовнинг «Иссиқ нон» фильми «Энг яхши монтаж иши», «Энг яхши сценарий» ва «Энг яхши фильм» номинацияларининг ғолиби деб топилди.

Маълумот учун «Олтин ҳумо» миллий кинотақдимоти, «Ўзбекистон Киноарбоблари ижодий уюшмаси», «Ўзбеккино» Миллий агентлиги ҳамда «Миллий» телеканали ҳамкорлигида ташкиллаштирилди.