10 апрель, чоршанба куни футбол бўйича Европа Чемпионлар Лигаси 1/4 финалининг дастлабки ўйинида «Барселона» «Манчестер Юнайтед»ни мағлубиятга учратди (1:0).
УЕФАнинг расмий сайтида хабар берилишича, каталонияликлар илк марта мусобақа плей-офф босқичининг меҳмонда кечган 7 та учрашувида ғалаба қозонди (аввалроқ клуб 2 та дуранг ва 4 та мағлубият қайд этганди).
Эслатиб ўтамиз, сўнгги бор 2015/16 йилги мавсумдаги 1/8 финалда «Барселона» «Арсенал»ни Лондонда 2:0 ҳисобида мағлуб этганди.
Бундан ташқари Каталония клуби ушбу мусобақадаги илк иштирокидан буён рақиб ўйинчисининг автоголи эвазига 14 марта ғалаба қозонди — «Юнайтед»га қарши кечган ўйинда рақиб ҳимоячиси Люк Шоу ўз дарвозасига гол уриб қўйди.
Бу борада «кўк-анор ранглилар» «Реал» ҳамда «Челси»нинг мазкур мусобақада ўрнатган рекордини такрорлади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)