Профессионал бокснинг ўта оғир (+90,7) вазн тоифаси вакили Баҳодир Жалолов (5 та жанг, 5 та ғалаба, 5 та нокаут) Тошкент вақти билан 11 апрель тонгида ўзининг навбатдаги жангини ўтказди.
NABF камари учун ўтказилган мазкур баҳсда Жалоловга америкалик боксчи Брендан Баррет рақиблик қилди. Олти раундга мўлжалланган жанг муддатидан олдин якунланди. Баҳодир рақибини биринчи раунддаёқ нокаутга учратди.
Шу тариқа Баҳодир Жалолов профессионал боксдаги илк чемпионлик камарини қўлга киритди. Энди Баҳодирда NABF Junior Heavyweight Title чемпионлик камари бор.
Маълумот учун, Жалоловнинг профессионал рингда ўтказган жанглари сони 6 тага етди. У барча жангларини муддатидан аввал нокаут билан якунлаган. Барретт бугун профессонал боксдаги 12-жангини ўтказди. Бунгача у 7 та жангда ғалаба қозонганди (5 та нокаут). Бугун мағлубиятларин сони 3 тага етди (2 та нокаут). Ҳисобида яна 2 та дуранг бор.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)