9 апрель куни Ўзбекистоннинг бир неча вилоятлари бўйлаб ташкил этилган сайёр қабуллар давомида фуқаролар муаммолари ҳал этилди. Бу ҳақда «Дарё»га Перзидент Халқ қабулхонаси матбуот хизмати маълум қилди.
Сариосиё тумани аҳолиси билан ўтказилган сайёр қабулда 375 нафар фуқаролардан жами 537 та мурожаат келиб тушган. Шундан 258 таси жойида қаноатлантирилиб, 47,5 фоиз самарадорликка эришилган. Қолган мурожаатларнинг барчаси назоратга олинган.
Наманган вилоятида ташкил этилган сайёр қабулда уй-жой, моддий ёрдам, коммунал хизмат, банк, ҳуқуқни муҳофаза қилиш идоралари фаолияти, соғлиқни сақлаш, бандлик, тадбиркорлик, фермер хўжалиги ва бошқа масалаларга оид 311 та мурожаат келиб тушган.
Шундан 161 таси жойида ижобий ҳал этилган. 10 та мурожаат бўйича ҳуқуқий тушунтириш берилди. Қолган 140 таси қонунчиликда белгиланган муддатларда ўрганиб, чора кўриш учун тегишли ташкилот ва идораларга юборилиб, ижроси назоратга олинган.
Фарғона вилояти иккинчи сектори раҳбари иштирокидаги сайёр қабул давомида 118 нафар фуқароларнинг мурожаати тингланган.
Қабул давомида 89 нафар фуқароларнинг ёзма мурожаатлари қабул қилиниб, уларнинг аксариятига шу ернинг ўзида ечим топилган.
Изоҳ (0)